Panlipunang Kilusan para sa Pagbabago ng Lipunan

#WalkOutPH: Ang Pagkakaisa ng mga Kabataan ng Pilipinas

 ni Jade Amber Abog

“We studied, we fought, and we killed for a notion of a nation we know get to build.”

               Ang mga estudyante na galing sa iba’t-ibang institusyon ng pag-aaral ay sumapi sa Walk Out noong ika-23 ng Pebrero, at nakiisa sa mga protesta sa buong bansa. Ayon sa Manila Police District na hindi bababa sa 200 na protestante ay nakiisa sa isinagawang Walk Out na may mga placard at mga banner na nagpapahiwatig ng kanilang pagkamuhi sa hindi pagkakapantay-pantay at ang kakulangan ng karapatan, kalayaan, at demokrasya. Ang Walk Out ay nagsimula noong Biyernes ng hapon, mula sa mga mga akademikong indibidwal na nagmamartsa sa Morayta papuntang Mendiola, Manila at ang pagkasapi nila sa protesta gamit ang makabagong teknolohiya, gamit ang hashtag na #WalkOutPH.

                Ang kilusan na ito ay nagpapahiwatig ng mga pagkukulang ng mga Pilipino sa bansa upang gumanda ang kinabukasan nito ngunit sa pagproprotesta nila ay nakikita na mayroon rin silang mga bagay na walang humpay na binalewala katulad ng pahayag ng mga “tunay” na nangangailangan at ang kanilang pag-aaral. Makikita sa parehong paraan na sila’y may mga problema na inaasahang malutas sa pagpapadagdag sa trapiko na isa sa mga malalaking problema ng bansa at sa pakikipag-“bakbakan” sa mga pulis na nagtratrabaho at nagsisilbi sa mga tao habang silang mga ralista ay naghanda at tumigil ng isang araw sapagkat mayroon silang mga gawain na mas maituturing na mas mahalaga kaysa sa pagsasayang ng kanilang oras at ng sa iba. Maraming mga suliranin ng bansa ang kanilang ipinahiwatig sa kanilang pagprotesta tulad ng pagpapatanggal ng posisyon sa pamahalaan ang kasalukuyang presidente na si President Rodrigo Duterte, ang pagpapalaganap ng pagpapahalaga ng mga kababaihan, ang pagpapasaayos ng mga kagamitang pangtransportasyon, at ang pagpapatupad ng Jeepney Phase Out, Libreng Edukasyon, at iba pa. Kung titignan ito sa ibang pananaw, masasabi na sila ay mga taong mali ang prinaprayoridad dahil sa kanilang pag-una ng paglaban sa mga taong namamahala na kinalimutan nila na ang pag-aaral ay isang pribilehiyo na hindi nakakmit ng lahat ngunit ito’y binabalewala nila.

                Sa kanilang ginagawa upang makamit ang inaasam na pagbabago sa bansang Pilipinas, nagmumukhang mapanuya o ironic sa lahat ng angulo na pagtitignan ang kanilang pagtrato o paglutas ng mga problema ng bansa, nagpapakita ng magagandang intensyon sa maling pamamaraan. Kung pagbabago lamang ang gustong makamit, maraming paraan ang magagawa para maipahayag ang kanilang mga saloobin tungkol sa mga isyung panlipunan at mga suliranin ng mundo katulad ng pagsagawa ng mga artikulo at pagtatag ng mga kampanya at kilusan na hindi sumasabak sa mga protesta.