Mga Serbisyong Pangkalusugan

Reyalidad
ni  Jamaica Y. Ambat

 

Doktor ka ba? Bakit ikaw ay nawawala?

Nurse ka ba sa pambublikong ospital? Bakit wala ka ring pagpapahalaga? Ang suplada mo pa.

Sadyang ganoon nga ba o ganoon lang talaga sila?

Ako’y kawani ng gobyerno

Tungkulin ko ang maglingkod ng tapat at mahusay,

Dahil dito,

Ako’y papasok ng maaga at magtatrabaho

Nang lampas sa takdang oras kung kinakailangan;

Magsisilbi ako ng magalang at mabilis

Sa lahat ng nangangailangan;

Pangangalagaan ko ang mga gamit, kasangkapan

At iba pang pag-aari ng pamahalaan;

Magiging pantay at makatarungan ang pakikitungo ko

Sa mga lumalapit sa aming tanggapan

Magsasalita ako laban sa katiwalian at pagsasamantala;

Hindi ko gagamitin ang aking panunungkulan

Sa sarili kong kapakanan

Hindi ako hihingi o tatanggap ng suhol

Sisikapin ong madagdagan ang aking talino at kakayahan

Upang ang antas ng paglilingkod sa bayan ay patuloy na maitaas

Sapagkat ako’y kawani ng gobyerno

At tungkulin ko ang maglingkod nang tapat

At mahusay sa bayan ko at sa panahong ito;

Ako at ang aking kapwang kawani

Ay kailangan tungo sa isang maunlad,

Masagana at mapayapang Pilipinas,

Sa harap niyong lahat;

Ako’y taos pusong nanunumpa.

 

                Ito ay mga linya lamang naman sa panunumpa ng isang kawani ng gobyerno. Naalala ko lang naman ito dahil madalas ko rin itong marinig na binibigkas ng aking Ama, Lolo, Tito, at Lola. At dapat lahat ng kawani ng gobyerno ay isinasapuso ito.

                Napakaraming ospital dito sa Pilipinas. Pero, lahat ba sila nakapagbibigay ng kalinga sa kanilang pasyente? Bakit kapag mayaman kahit hindi pa naman ganoon kalubha ang sakit eh sa mas maayos na kwarto dinadala? Bakit oras-oras inaalagaan? Bakit kapag mahihirap kailangan pang pag-intayin ng ilang araw, linggo, minsan pa nga buwan bago gamutin.

Kuha ng may-akda

                Dito sa Pilipinas, marami ang mga pampubliko at pribadong ospital. Ngunit ospital nga sila pero hindi sila pare-parehas ng trato. Kung ako ang tatanungin lubhang nakakalungkot ang mga nangyayari sa ospital dito sa Pilipinas. Dahil, napakaraming tao ang hindi nakakaranas ng tamang pag-aalaga at hindi rin lahat ng tao ay nagagamot sa mga ospital. Sa aking palagay, dito sa Pilipinas, maraming tao ang pupwedeng mamatay kada segundo dahil sa bulok na sistema ng mga ospital dito sa Pilipinas at hindi iyon tama para sa akin. Dapat kahit wala kang pera pambayad sa ospital, kailangan kang gamutin. Pero hindi eh, marami pa rin ang mga taong hindi inaasikaso sa ospital. Dito sa Pilipinas, kapag ang mga matataas o popular na tao ang nagkakasakit ang mga doktor at nurse ay todo asikaso sa kanila dahil marami silang pera pambayad. Pero kapag sa mga pampublikong ospital ka, sa kwarto hindi lang kayo iisa, minsan pa nga ay umaabot ng sampung tao kada kwarto. Ang mga cr, napakadumi. At madalas kulang sa mga doktor at nurse aya naman maraming namamatay at ang iba rin ay walang sapat na supply ng gamut kung kaya naman ang ilan sa kanila ay napipilitan na bumili na lamang sa mga drugstore malapit sa ospital. May mga ospital rin na akala mo may pila ng libreng bigas sa sobrang haba dahil nga sa kakulangan ng mga nurse at iba pang opisyal ng mga ospital.

                                         “Ang pera, napapalitan. Ang buhay, hindi.”

 
 
Programang Inilaan para sa kahalagahan ng kalusugan
ni Patricia Erika B. Bagacay

                Pangangalaga sa ating kalusugan ang isa sa pinakamahalagang layunin ng bawat isa sa atin mapakaraniwang tao man o nakakaangat sa pamumuhay. Kalusugan din ang isa sa problemang kinakaharap ng ating bansa dahil may mga taong namamatay ng hindi nakakapagamot o nakakapag patingin ng kanilang karamdaman kaya't doble kayod ang pagtugon ng ating pamahalaan sa mga suliraning may kinalaman sa kalusugan. Ayon sa aking nabasang artikulo may mga inilaan na ibat ibang serbisyong pangkalusugan ang ating pamahalaan para sa mga nangangailangan namaski ang mga nasa pinakalib lib na lugar ay matiyak na maabutan ng tulong na inihanda ng pamahalaan para sa mga mamamayan upang maipadala sa mga pagamutan na mayroong sapat na mga tauhang tutugon sa mga pangangailangan ng mga may karamdaman.   Sinasabi ring may programa silang tinatawag na "Doctors to the barrios" na nagtatalaga ng mga manggagamot sa mga mahihirap na pook isa itong magandang hakbang upang makapagpatingin sila ng libre at mabigyan ng panandaliang lunas ang kanilang karamdaman dahil alam naman nating karaniwang kulang ang mga manggagamot at mga kailangang gamot sa mga malalayong lugar o pook sa ating bansa. Isinagawa din ng ating pamahalaan ang mga pag papatayo ng mga Health Center sa bawat barangay sa ibat ibang lugar sa ating bansa upang makatulong ito sa mamayan ng bawat barangay na nasasakupan na may kalayuan sakanila ang ospital.

https://encrypted-tbn2.gstatic.com/images?q=tbn:ANd9GcR4HMlxT0IhEY9Q0RIb7udO-SaC7zuBU7XOQJWZ7HFnsAk8vXHaUA-5mOGi

                 May mga mahihirap na Pilipino ang namamatay ng hindi man lang nakakapagpakonsulta sa doktor dahil sa kahirapan ng buhay kaya't ayon sa aking nabasang artikulo na nagsasabing umabot na sa mahigit 5M na Pilipino ang nakikinabang sa Tinatawag na Philippine Health Insurance Program ng Ating pamahalaan. Ang Philhealth ang isang serbisyong pangkalusugan na inilaan sa atin ng pamahalaan ngunit nakatala din sa aking nabasa na hindi halos lahat ay miyembro ng Philhealth kaya't may mga tao pading kinakapos sa pagpapagamot na hindi kayang magpaospital man lang pero sa tulong ng Philhealth na ito ay nakapagpapagamot at nabibigyan na ng libreng gamot ang ating mga kababayan na nangangailangan sa mga ospital.

                Sa aking opinyon ang mga programang ito na isinasagawa ng ating pamahalaan na para sa ating kalusugan na inilalaan ng pamahalaan ay inaasahang may mas marami pang matutulungan na mapangalagaan ang kalusugan ng bawat Pilipino upang may pagkakataon tayong mamuhay ng mas matagal at maging malusog upang makaiwas sa ibat ibang sakit na lumalaganap sa ating bansa.
 
 
 
 
 

Totoong Serbisyo

ni Charmaine Joyce Bechayda
            Health Service Serbisyo pa ba o negosyo na ang umiiral sa mga ospital ngayon? Pasyente pa ba o pera ang tingin nila sa mga taong nangangailangan ngayon? Serbisyong pangkalusugan, serbisyong dapat sana’y laging binibigyang pansin, inuuna, at pinag-aaralan. Tungkulin nila’y gumamot ng mga may karamdaman ngunit karamihan ay natatakot nang magpunta sa mga ospital di dahil sa kawalan ng tiwala bagkus dahil sa takot sa kakaharaping bayarin.

            Pangarap ko noo’y maging isang ganap na doktor, dahil sa kagustuhan kong tumulong sa mga nangangailangan ngunit paglipas ng panahon nabuksan ang isipan ko sa madilim na katotohan sa larangan na ito. Napaisip ako kung bakit inuunang asikasuhin ang mga dapat bayaran kesa sa sumagip ng buhay. Isa sa pinakamadilim na pangyayari sa amin ay nang makabangga kami ng pulubi habang kami’y bumabiyahe papuntang Bicol. Sa kagustuhan naming masagip ang buhay ng pulubi ay agad naming siyang isinugod sa isang private hospital. Nang madala siya sa Emergency Room kaagad tinanong ng mga nurse ang magulang ko ng mga personal info patungkol sa pulubi, kagaya ng pangalan, edad, lugar kung saan nakatira, at marami pang iba dahil sa wala kaming kaugnayan sa pulubi ay walang masagot ang aking mga magulang. Di nag tagal lumabas ang doktor at sinabi niyang wag na ipagpatuloy ang pag sagip dahil kung sakaling mabuhay man siya ay reponsibilidad pa raw naming ito, ngunit pinilit ng daddy ko na ipaglaban ang pagsalba ng buhay ng pulubi. Makalipas ang isang oras idiniklara ng doctor na patay na ang pulubi at ayon sa autopsy isang sugat lamang sa paa ang natamo ng pulubi mula sa pagkakabangga at lumalabas na namatay ang pulubi nang dahil sa kapabayaang ginawa sa ospital. Ang dapat sana’y gumagawa ng paraan upang mapahaba ang buhay ang siyang nag sabi sa amin na huwag nang ipagpatuloy. Sa panahon ngayon, tila nawawala na ang tunay na tungkuling ng mga doktor. Karamihan sa kanila ay gumagamot dahil sa perang matatamo at di dahil sa gusto nitong mapaayos ang kalusugan nito. Kung mapapansin sa bill namakukuha sa ospital ang professional fee nila ang pinakamataas na dapat sana’y mababa upang mabigyan ng tulong ang pasyente. Ang serbisyo ay may kaakibit na sakripisyo, dapat ang kapakanan and inuuna hindi ang bulsa.